भैरहवा । नदीजन्य पदार्थको चोरीमा संलग्न सवारीसाधनलाई रुपन्देही प्रहरीले नियन्त्रणमा लिएको छ । ईलाका प्रहरी कार्यालय छपिया रुपन्देहीबाट खटिएको टोलीले दुईवटा ट्याक्टर नियन्त्रणमा लिएको हो ।
सियारी गाउँपालिका–७ स्थित अमुवाबाट अवैध रुपमा बालुवा चोरी निकासी गरी ओसारपसार गरिरहेको अवस्थामा सवारीसाधन नियन्त्रणमा लिइएको जिल्ला प्रहरी कार्यालय रुपन्देहीका सूचना अधिकारी तथा प्रहरी नायव उपरीक्षक (डीएसपी) सुरज कार्कीले बताए ।
डीएसपी कार्कीका अनुसार लु २ त ३१३९ र लु ४ त ५४४ नम्बरको ट्याक्टर प्रहरीले नियन्त्रणमा लिएको होनियन्त्रणमा लिइएको सवारीसाधनहरुलाई आवश्यक कारवाहीका लागि सियारी गाउँपालिकाको कार्यालयमा पठाइएकोमा ९० हजार रुपैयाँ जरिवाना भएको प्रहरीले जनाएको छ ।
