भैरहवा । राष्ट्रिय परिचय पत्रको लागि आवेदन दिएर तयार भएको परिचय पत्र सर्वसाधरणहरुले लिन नगएपछि जिल्ला प्रशासन कार्यालय रुपन्देहीले सूचना जारी गरेर कार्ड लिनका लागि आग्रह गरेको छ ।
०७९ साल पौष महिना अघि परिचय पत्रका लागि आवेदन दिएका सर्वसाधरणहरुको परिचय पत्र कार्यालयमा रहेको बताइएको छ । र, उक्त कार्डहरु सर्वसाधरणले नलिएर कार्यालयमा थुप्रिएपछि सूचना जारी गर्नु परेको हो ।
‘२०७९ साल पौष महिना भन्दा पहिले राष्ट्रिय परिचयपत्रका लागि आवेदन गर्नुभएका महानुभावहरुको राष्ट्रिय परिचयपत्र कार्ड यस कार्यालयमा प्राप्त भएकोमा धेरै महानुभावहरु राष्ट्रिय परिचय पत्रको कार्ड लिन नआउनुभएको हुँदा यो सुचना प्रकाशित गरिएको छ’, कार्यालयद्धारा जारी गरिएको सूचनामा भनिएको छ, ‘अतः राष्ट्रिय परिचय पत्रको फाराम भरपाई र नेपाली नागरिकता प्रमाणपत्र साथमा लिई स्वयं व्यक्ति उपस्थित भई आफ्नो राष्ट्रिय परिचयपत्रको कार्ड लिनुहुन यो सूचना द्वारा सूचित गरिन्छ ।’
हेर्नुहोस् सूचना:
