भैरहवा । त्रिदेवी बचत तथा ऋृण सहकारी संस्था लिमिटेडको अध्यक्षमा शम्भु प्रसाद यादव निर्विरोध निर्वाचित भएका छन । शनिबार धकधईमा सम्पन्न संस्थाको १२ औ बार्षिक साधारणसभा तथा चौथो अधिवेशनले सर्वसम्मत रुपमा नया कार्यसमिति चयन गरेको हो । समितिको उपाध्यक्षमा फिरोज अहमद खाँन, सचिव विरेन्द्र कुमार गौंड, कोषाध्यक्ष उसमान अली निर्वाचित भएका छन् । यस्तै सदस्यहरुमा रामचन्द्र ठाकुर, बालसुग्रिम वर्मा, माया ठाकुर, स्यानु अग्रहरी, इमलादेवी क्षेत्री निर्विरोध चयन भएका छन ।
सभामा संस्थाको वार्षिक प्रतिवेदनका साथै आर्थिक एवं लेखा परीक्षण प्रतिवेदन पनि प्रस्तुत गरिएको थियो । कार्यक्रमको अध्यक्षता संस्थाका नारायण प्रसाद सिग्देलले गरेका थिए भने प्रमुख अतिथी रोहिणी गाउँपालिका अध्यक्ष विद्या प्रसाद यादव ,विशिष्ट अतिथी रोहिणी वडा नम्बर ३ का वडाअध्यक्ष वीरबहादुर क्षेत्री रहेका थिए ।
