भैरहवा । प्रधानमन्त्री कप पुरुष राष्ट्रिय क्रिकेट प्रतियोगितामा लिग चरण अन्र्तगतको अन्तिम खेलमा त्रिभुवन आर्मी क्लबले नेपाल पुलिस क्लबलाई ४ विकेटले पराजित गरेको छ । जारी प्रतियोगितामा यो नेपाल पुलिस क्लबको यो पहिलो हार हो ।
१४९ रनको लक्ष्य सहित मैदान प्रवेश गरेको त्रिभुवन आर्मी क्लबले ४१ ओभरमा ६ विकेटको क्षतिमा लक्ष्य हासिल ग¥यो । आर्मीका लागि विवेक यादवले सर्वाधिक ४१ रन बनाए । यस्तै तिर्थराज दासले २५ रन, भीम सार्कीले २३ रन तथा सन्तोष कार्कीले २२ रन बनाए ।
बलिङमा पुलिसका ललित राजवंशीले ४ विकेट तथा दिपेन्द्र सिंह ऐरी र करण केसीले समान १/१ विकेट हासिल गरे ।
यस अघि रूपन्देहीको एक्स्ट्राटेक ओभल क्रिकेट मैदानमा टस हारेर ब्याटिङको निम्तो पाएको पुलिसले निर्धारित ५० ओभर खेल्न सकेको थिएन । ४१.४ ओभरमा सबै विकेट् गुमाउदै पुलिसले १४८ रन मात्र बनाउन सक्यो । पुलिसका लागि कप्तान दिपेन्द्र सिंह ऐरीले सर्वाधिक ५० रन बनाए । उनले ३७ बलको सामना गर्दै ३ चौका र २ छक्का प्रहार गरे । यसै गरि आरिफ शेषले २२ रन र गुलशन झाले १७ रन बनाए ।
बलिङमा त्रिभुवन आर्मी क्लबका साहब आलमले ४ विकेट हासिल गरे भने नरेन साउदले ३ विकेट र कुशल मल्ल तथा भीम सार्कीको नाममा समान १/१ विकेट रह्यो ।
९ खेल खेलेको नेपाल पुलिस ८ मा जित सहित प्रतियोगिताको शिर्ष स्थानमा रहदै फाईनलमा पुगिसकेको छ भने ९ खेल नै खेलेको आर्मी पनि ८ मा जित निकाल्दै दोश्रो स्थान हुदै फाईनल पुगि सकेको छ । अतः आजको खेल जसले हारे पनि फाईनल समीकरणमा यसको कुनै असर पर्ने छैन् । चैत्र १६ गते भैरहवा स्थित सिद्धार्थ क्रिकेट रङ्गशालामा यी दुबै बिच फाइनल भिडन्त हुनेछ ।
