भैरहवा । भैरहवामा जारी बिपी मेमोरियल कप–२०२४ टि२० क्रिकेट प्रतियोगितामा दोश्रो दिन भएको खेलमा पाकिस्तानी टोली जावेद ईन्टरनेशनल क्रिकेट एकेडमी लगातार दोश्रो पटक हार व्यहोरेको छ ।
आईतबार भएको प्रतियोगिताको चौथो खेलमा बांग्लादेशको साईक क्रिकेट एकेडमीले ४२ रनले पराजित गरेको छ । पाकिस्तानले टस जितेर बांग्लादेशी टिमलाई पहिला ब्याटिङ्गको लागि बोलाएको थियो । बांग्लादेशी टोलीले १९.५ ओभरमा आफ्ना सबै विकेट गुमाउदै १४७ रन बनाएको थियो । साईक क्रिकेट एकेडमीको लागि मुलरले २८ बलको सामना गर्दै ३ छक्का र ४ चौकाको सहयोगमा ४६ रन बनाए । यस्तै मुनिम शहरियारले २७ रन तथा सौरभले २५ रन बनाएका थिए ।
बलिङ्ग तर्फ पाकिस्तानी टोलीका रिसभ जोशीले १७ रन खर्चिदै ३ विकेट र कप्तान ईमरान नाजिर र अब्बास अलिले समान २/२ विकेट लिए ।
१४८ रनको लक्ष्य पछ्याउदै मैदान छिरेको पाकिस्तानको जावेद ईन्टरनेशनल क्रिकेट एकेडमी १८.५ ओभरमा सबै विकेट गुमाउदै १०५ रन मात्रै बनाउन सक्यो । पाकिस्तानी टोलीका लागि अलि हुसेनले ३४ रन बनाउदा अर्का खेलाडी जीम खाँनले १९ रन र शामूनले १८ रनको योगदान गरे ।
बलिङ्गमा बांग्लादेशका सोमराजले ३, रकिब र मुलरले समान २/२ विकेट लिए ।
शनिबार देखि सुरु भएको प्रतियोगितामा पाकिस्तानको लगातार दोश्रो पटक हार भएको हो । भारतीय टोली लाईफ केयर क्रिकेट एकेडमीले दुबै खेल जितेको छ भने नेपाली र बांग्लादेशी टोलीले एक/एक खेल जितेका छन् । राउण्ड रोविन्सको आधारमा खेलाईने प्रतियोगितामा सुरुका ४ टोलीलाई अघिल्लो चरणमा प्रवेश दिईनेछ । प्रतियोगिताको फाईनल खेल कार्तिक १० गते हुने आयोजक नेक्सस क्रिकेट एकेडमीमा अध्यक्ष भरत कुमार शाहीले जानकारी दिए ।
प्रतियोगितामा बांग्लादेशबाट साईक क्रिकेट एकेडमीबांग्लादेश, जावेद इन्टरनेशनल क्रिकेट एकेडमी पाकिस्तान, नेक्सस रुपन्देही ११ रुपन्देही, लाइफ केयर क्रीकेट क्लब भारत, श्रीलंका स्टेट सर्विसेज क्रीकेट एसोसिएसनको टीम सहभागी रहेको छ ।
बिजयी टिमलाई रु ५ लाख र उप बिजेता टिमलाई रु ३ लाख पुरस्कार रहेको छ । यस्तै प्रतियोगिताका उत्कृष्ट खेलाडीलाइ ३५ हजार, उत्कृष्ट बलर र उत्कृष्ट ब्याटरलाइ जनही २० हजार तथा प्रत्येक खेलमा म्यान अफ द म्याचलाइ ५ हजार प्रदान गरिनेछ ।
