भैरहवा । प्रधानमन्त्री कप पुरुष राष्ट्रिय क्रिकेट प्रतियोगितामा कर्णाली प्रदेशले सहज जित निकालेको छ । दाङ्ग लमहीको देउखुरी क्रिकेट रङ्गशालामा आईतबार भएको पहिलो खेलमा कर्णालीले सुदूर पश्चिमलाई ७९ रनको अन्तर सहित सहजै पराजित गरेको छ ।
१५६ रनको लक्ष्य सहित मैदान छिरेको सुदुरपश्चिम प्रदेशलाई २१ ओभरमा ७६ रनमै अलआउट गर्दै कर्णालीले जित निकालेको हो । सुदूरपश्चिमका प्रदेशका लागि खडक बोहराले सर्वाधिक २७ रन, किरण ठगुन्ना र शेर मल्लले समान १३/१३ रन बाहेक अन्यले उल्लेखनिय प्रदर्शन गर्न सकेनन ।
बलिङ्गमा कर्णाली प्रदेशका ९ ओभर बलिङ्ग गर्नुभएको दिपेन्द्र रावतले ३ मेडेन सहित ३३ रन खर्चिएर कोशीको महत्वपूर्ण ७ वटा विकेट लिए । यस्तै दिवन पुनले २ विकेट लिए ।
यस अघि टस जितेर कर्णालीले ब्याटिङ्ग रोजेको थियो । ढिलो भएको कारण ४३ ओभरमा झारिएको खेलमा ३६ दशमलव १ ओभरमै कर्णालीले आफ्नो सबै विकेट गुमाउदै १५५ रन बनाएको थियो । उसका लागि अर्जुन घर्तिले ७१ रन बनाए । यस्तै दिनेश अधिकारीले १७ र दिवस पुनले १२ रनको योगदान गरे ।
बलिङ्ग तर्फ सुदूरपश्चिमका हेमन्त धामीले ४ विकेट, नारायण जोशीले २ विकेट र शेर मल्ल, मिलन बोहरा, भोजराज भट्टले समान १/१ विकेट बाडे ।
७ विकेट लिएर कर्णालीका दिपेन्द्र रावत खेलको म्यान अफ द म्याच घोषित भए । देउखुरी क्रिकेट रङ्गशालामा सोमबारको खेल गण्डकी प्रदेश र सुदूरपश्चिम प्रदेश बिच हुनेछ ।
