नवलपरासी । पश्चिम नवलपरासीमा भन्सार छली गरेर ल्याएको २७ क्विन्टल चिनी प्रहरीले बरामद गरेको छ । बर्दघाट नगरपालिका वडा नम्बर– १५ नौडिहवा स्थित एक घरमा गोदाम गरेर राखेको अवस्थामा प्रहरीले चिनी बरामद गरेको हो ।
जिल्ला प्रहरी कार्यालयका प्रवक्ता एवम् सूचना अधिकारी प्रहरी निरीक्षक सुदर्शन पन्थीका अनुसार भारत बाट भन्सार छली गरेर ल्याएको चिनी गोदाममा रहेको जानकारीको आधारमा छापा मारिएको जानकारी दिए । बरामद भएका चिनी आवश्यक कारबाहीका लागि महेसपुर भन्सार कार्यालय पठाइएको प्रहरीले जनाएको छ ।
