भैरहवा । रुपन्देहीको तिलोत्तमा नगरपालिका वडा नम्बर १५ कोटिहवामा रहेको रोहित मोबाइल एण्ड टीभी सर्विसमा सोमबार राती चोरी भएको छ ।
चोरहरुले मरम्मत तथा बिक्रीका लागि राखिएका मोबाइल, मोबाइल एसेरोरिजहरु बोरामा राख्दै गरेको सीसीटीभी फुटेजमा देखिन्छ । पसल सन्चालक सन्जय कुमार चाइका अनुसार सबै समान गरि करिब ७ लाख बढीको चोरी भएको छ ।
पसलमा कम्तिमा पनि २ जना चोर पसेर बोराका बोरा समान चोरेको उज्यालोलाइ प्राप्त सीसीटीभी फुटेजमा देखिन्छ ।
“चोरहरुले निस्फिक्री समान चोरी रहेका छन, यस अघि पनि मोबाइल पसलहरुमा यस्तै चोरी भएका छन । उनिहरु समातिन नसक्नले उनिहरुको मनोबल झन बढेको छ ।” मोबाइल व्यवसायी समितिका उपाध्यक्ष हरि पाण्डेले भने “ यस्तै अवस्था रहे सबै मोबाइल व्यवसायी विस्थापित हुने अवस्था आउछ ।”
यस विषयमा जिल्ला प्रहरी कार्यालय रुपन्देहीका प्रवक्ता डिएसपी सुरज कार्कीले चोरीको खबर प्राप्त भए पनि हाल मुचुल्का उठाउने काम भैरहेको हुदा यकिन विवरण अझै सम्म प्राप्त हुन नसकेको बताए । उनले यस विषयमा बुझी थप अनुसन्धान अगाडी बढाइने जानकारी दिए ।
