भैरहवा । जारी प्रधामन्त्री कप क्रिकेट प्रतियोगितामा आज शुक्रबार २ खेल हुदै छ । रुपन्देहीको एक्स्ट्राटेक ओभल क्रिकेट रङ्गशालामा प्रतियोगिताको १४ औं खेल बागमती प्रदेश र सुदूरपश्चिम प्रदेश बिच हुदैछ भने १५ औ खेल दाङ्ग लमहीको देउखुरी क्रिकेट रङ्गशालामा शसस्त्र प्रहरी बल क्लब र नेपाल पुलिस क्लब बिच हुनेछ ।
आज भैरहवा स्थित सिद्धार्थ क्रिकेट रङ्गशालामा कुनै खेल नरहेको लुम्बिनी प्रदेश क्रिकेट संघका अध्यक्ष सञ्जय गुरुङ्गले जानकारी दिए । दुबै खेल बिहान ९ बजे देखि सुरु हुनेछ ।
अहिले सम्म २ खेल खेलेको बागमती प्रदेश २ वटैमा पराजय ब्यहोर्दै शून्य अंक सहित अंक तालिकामा ९ औं स्थानमा रहेका छ भने ३ खेलमा १ वटा जित र २ पराजय सहित सुदूरपश्चिम अंकतालिकामा ७ औं स्थानमा रहेको छ । आजको खेल दुवै टोलीको लागि महत्वपूर्ण रहनेछ । बागमती पहिलो जितको खोजीमा रहेको छ भने चौथो खेल खेलिरहेको सुदूर अंक जोड्दै प्रतियोगितामा आफ्नो दावी कायम राख्न प्रयासरत् हुनेछ ।
यसै गरि अहिले सम्म अपराजित रहेको शसस्त्र प्रहरी बल क्लबले २ खेलमध्ये दुबैमा जित निकाल्दै प्रतियोगिताको अंकतालिकामा दोश्रो स्थानमा रहेको छ भने नेपाल पुलिस क्लबले पनि २ मा २ जित सहित अंकतालिकामा तेश्रो स्थानमा रहेको छ । यी दुबै टोली आज जित निकाल्दै पहिलो स्थानमा कब्जा गर्ने उद्देश्यका साथ खेल्दैछन् ।
