मर्चवार । रुपन्देहीको घुम्ती बन्धयाकरण शिविर अन्तरर्गत मर्चवारबाट ८५ जना सेवा लिएका छन् । मर्चवारको सम्मरीमाई, मर्चवारी र कोटहीमाई गाउँपालिकामा सम्पन्न भएको उक्त बन्ध्याकरण सेवा लिनेमा पुरुष संख्या शुन्य देखिएको छ ।
सम्बन्धीत स्थानीय तहको आयोजना स्वास्थ्य कार्यालय रुपन्देहीको समन्वय र सुनौलो परिवार नेपाल (मेरीस्टोप्स)को प्राविधिक सहयोगमा रुपन्देही जिल्लाको हरेक स्थानीय तहमा संचालन हुने शिविरको मर्चवारबाट सुरु भएको छ ।
पौष १८ र १९ गते सम्मरीमाई ५ स्थित रोइनिहवा स्वास्थ्य चौकीमा सम्पन्न उक्त शिविरमा ३८ जना महिलाहरुले बन्ध्याकरण सेवा लिएकी सम्मरीमाई गाउँपलिका स्वास्थ्य शाखा प्रमुख मुन्सी प्रसाद माझीले बताए । यो शिविरमा महिला तथा पुरुष दुबैले बन्ध्याकरण गराउने हो तर महिलाले मात्र बन्ध्याकरण गराएकी स्वास्थ्य शाखा प्रमुख माझीले जानकारी दिएका छन् ।
यसैगरी पौष २१ र २२ गते आधारभूत स्वास्थ्य केन्द्र मर्चवारी ५ महुवारीमा सम्पन्न बन्ध्याकरण शिविरमा २६ जना महिलाहरु बन्ध्याकरण सेवा लिएका मर्चवारी गाउँपालिका स्वास्थ्य शाखा प्रमुख फेकन साहले बताए ।
सोही क्रममा पौष २४ गते मझगावाँ स्वास्थ्य चौकी कोटहीमाई ५ बेनीनगरमा सम्पन्न बन्ध्याकरण शिविरमा २१ जना महिलाहरुले बन्ध्याकरण सेवा लिएकी कोटहीमाई गाउँपालिका स्वास्थ्यश शाखा प्रमुख रामनेवास यादवले जानकारी दिएका छन् ।
बन्ध्याकरण महिला र पुरष दुबैको लागि भएपनि महिलाहरुले मात्र गराउनुपर्ने गलत धारणले बन्ध्याकरण गराउने पुरुषको संख्या शुन्य रहेको इन्द्रेणी ग्रामिण विकास केन्द्र फेयर मेड की फिल्ड सुपरवाइजर कबिता पाण्डेयले बताइन् । सन्तानको चाहना पुरा भएको दम्पत्तीमा महिला वा पुरुष जोकेही बन्ध्याकरण गराएपनि हुने उनले बताएन । तर नियमति महिनवारीमा बढी रगत बगाउनुपर्ने डर र चेतनाको कमीले महिलाहरु मात्र बन्ध्याकरण गराउने परिपाटी रहेको फिल्ड सुपरवाइजर पाण्डेयले बताइन् ।
