मकवानपुर । मकवानपुरको मकवानपुरगढी गाउँपालिका–५, बुङदोलमा एक व्यक्तिले आफ्नी श्रीमतीको हत्या गरेका छन् । ४५ वर्षीय मानबहादुर शिवभक्तिले ४० वर्षीया श्रीमती दुर्गा लक्ष्मी शिवभक्तिको घाँटी थिचेर हत्या गरेको स्वीकार गर्दै जिल्ला प्रहरी कार्यालय मकवानपुरमा आत्मसमर्पण गरेका छन् ।
प्रहरीका अनुसार, शिवभक्तिले श्रीमतीको हत्यापछि आत्महत्याको प्रयाससमेत गरेका थिए । प्रारम्भिक सोधपुछमा उनले प्यारालाइसिसबाट पीडित श्रीमतीको स्याहारसुसार गर्दा तनावमा आएर हत्या गरेको बयान दिएका छन् । शवलाई पोष्टमार्टमका लागि पठाइएको छ भने घटनाको थप अनुसन्धान भइरहेको जिल्ला प्रहरी कार्यालय मकवानपुरले जनाएको छ ।
