काठमाडौं । काभा महिला क्लब च्याम्पियनसिपको सर्वोत्कृष्ट खेलाडी नेपाल पुलिस क्लबकी उषा भण्डारीलाई सम्मान गरिएको छ । मंगलबार काठमाडौंमा आयोजित कार्यक्रमकाबीच भण्डारी सहित २०२४ मा स्वर्ण पदक विजेता खेलाडी तथा अफिसियलहरुलाई सम्मान गरिएको हो ।
सम्मान कार्यक्रमलाई सम्बोधन गर्दै नेकपा एकीकृत समाजवादीकी नेतृ तथा पूर्वमन्त्री रामकुमारी झाक्रीले खेल क्षेत्रमा हाम्रो सुरुवात भैइरहेको बताएकी छन् । उनले नेपाली भलिबल ईतिहासमा यो टिमले भलिबलको युगलाई जन्माएको बताइन् ।
उनले भनिन् , ‘काभा महिला क्लब च्याम्पियनसिपमा जुन स्वर्ण पदक अर्थात अपराजित यात्राको लागि खेलाडी बहिनीहरुलाई र प्रशिक्षक सबैलाई हार्दिक बधाई छ । यो हाम्रो सुरुवात हो । यो भलिबल राष्ट्रिय खेल हो । एउटा यस्तो युग आउँछ र त्यस्ता व्यक्ति र व्यक्तित्वहरुले युगलाई जन्माएका हुन्छन् । नेपाली भलिबल ईतिहासमा यो टिमले भलिबलको युगलाई जीवित र जन्माएको छ ।’
साथै, उनले यसरी अपराजित हुँदै आफ्नो जित निकालेको भलिबल टिमले राष्ट्रिय खेल हो भनेर प्रमाणित गरेको बताईन् । उनले भलिबललाई अझै उच्च स्थानमा पुर्याउनका लागि राज्यले ध्यान दिनुपर्ने बताईन् ।
