अर्घाखाँची । अर्घाखाँचीको स्थानीय सरकारले नागरिकलाई अनुभुती हुने गरि काम गरेपछि सन्धिखर्क नगरपालिका–७ का स्थानीयवासी हर्षित भएका छन् । भौगोलिक कारण वडा कार्यालयमा आउन सेवाग्राहीलाई समस्या भएको विषयलाई मध्यनजर गर्दै पालिकाको वडा नम्बर ७ को कार्यालयले त्यस्ता स्थानका सेवा प्रवाह गर्दा स्थानीयवासी हर्षित भएका हुन्।
वडा कार्यालयले सम्पति कर, भुमि/मालपोत कर संकलन सबन्धी शिविर संचालन गरेको वडा अध्यक्ष चुरा बहादुर केसीले बताए । गत चैत १६ गते देखि उक्त शिविर संचालन भएको छ । अब चैत २३ गते वडाको डिहि नेटामा र चैत ३० डिहिडाँडा नेटामा उक्त शिविर संचालन हुनेछ। वडा कार्यालयले विगत देखि काम गदै आएको छ ।
'वडा कार्यालयले सेवाग्राहीलाई सहज हुने गरि विभिन्न शिविर चलाएको छ' वडा नम्बर ७ को सचिव सीता बिसि पराजुलीले भनिन्, शिविरहरु स्थानीय बासिन्दा लाभान्वित हुँदा शिविर फलदायी देखिएको छ।' स्थानीय निर्वाचनमा वडावासी गरेका प्रतिबद्वतालाई पुर्णता दिन आफू निरन्तर लागिपरेको वडाअध्यक्ष केसीले बताए ।
वडा कार्यालयबाट जारी गरिएको सूचनामा भनिएको छ-'सम्पतिकर तथा भूमिकर/मालपोत बुझाउन आउने सेवाग्राहीहरुले अनिवार्य रुपमा हाल साविक भएको हकमा नयाँ पुर्जा र गत आ.व.मा बुझाएको रसिद तथा हाल साविक नभएको हकमा पुरानो लालपुर्जा र रसिद लिएर, लालपुर्जामा भएका जग्गाहरुको स्पष्ट विवरण बुझाउन सक्ने व्यक्ति मात्र आउनु...।'
