भैरहवा । नख्खु कारागारबाट फरार भएका एक कैदीलाई रुपन्देही प्रहरीले पक्राउ गरेको छ । पक्राउ पर्नेमा दोलखाको मेलुङ गाउँपालिका–१ घर भएका ४२ वर्षीय दिनेश कोइराला रहेका छन् । ठगी तथा बैंकिङ कसुर मुद्दामा नख्खु कारागारमा सजाय भोगिरहेका कोइराला गत भदौ २३ गतेपछिको आन्दोलन र कारागार तोडफोडका क्रममा फरार भएका थिए ।
केन्द्रीय अनुसन्धान ब्यूरो (CIB) को समन्वयमा खटिएको प्रहरी टोलीले उनलाई सिद्धार्थनगर–४, दोगहराबाट नियन्त्रणमा लिएको जिल्ला प्रहरी कार्यालय रुपन्देहीका डीएसपी सुरज कार्कीले जानकारी दिनुभयो । कोइरालालाई हाल जिल्ला प्रहरी कार्यालयको नियन्त्रणमा राखिएको छ ।
