भैरहवा । रुपन्देहीको रोहिणी गाउँपालिका–३ परासीझुंगास्थित श्री जनचेतना आधारभूत विद्यालय विद्यालय व्यवस्थापन समितिको अध्यक्षमा ओमप्रकाश चौधरी चयन भएका छन् । मंगलबार भएको विद्यालय व्यवस्थापन समितिको निर्वाचनमा ८७ मत प्राप्त गरी राजु चमार, ९० मत प्राप्त गरी सब्बीर आलम, ९१ मत प्राप्त गरी सम्झना चौधरी र ८९ मत प्राप्त गरी फूल कुमारी चौधरी सदस्यमा विजयी भएका छन् । निर्वाचित चारजना सदस्यहरुले अध्यक्षमा चौधरीलाई चयन गरेका हुन्।
सदस्यका उम्मेदवारहरु खेमलाल बहादुर घर्तीले ७४, उमर फारुख भाटले ७०, विन्द्रावती हरिजनले ६९ र गीता यादवले ७० मत प्राप्त गरेका छन् ।
रोहिणी गाउँपालिकाका अध्यक्ष विद्या प्रसाद यादवले शान्तिपूर्ण रुपमा निर्वाचन सम्पन्न भएको बताए । उनले विद्यालयलाई अझ राम्रो बनाउन नवनिर्वाचित विद्यालय व्यवस्थापन समिति अघि बढ्ने विश्वास व्यक्त गरे ।
