परासी । पश्चिम नवलपरासीमा सेफ्टी ट्यांकीमा डुबेर एक बालकको मृत्यु भएको छ । प्रतापपुर गाउँपालिका – ५, बसहियाका राम प्याकुरेलको ६ वर्षको छोरा राज प्याकुरेलको सेफ्टी ट्यांकीमा डुबेर मृत्यु भएको प्रहरीले जनाएको छ ।
खेल्नेक्रममा सेफ्टी ट्यांकीमा डुब्दा घाइते भएका बालकको उपचारको क्रममा मृत्यु भएको प्रहरीले जनाएको छ । घाइते प्याकुरेललाई उपचारको लागि भारत महाराजगञ्ज निचलौल सामुदायिक अस्पताल लगेकोमा चिकित्सकले डाक्टरले मृत घोषणा गरेका थिए । घटनाको बिषयमा थप अनुसन्धान भइरहेको जिल्ला प्रहरी कार्यालय पश्चिम नवलपरासीका डिएसपी रेशम बोहोराले बताए ।
