अर्घाखाँची । अर्घाखाँचीको छत्रदेव गाउँपालिका -३ मा श्रीमतीले गएराति धारिलो हतियार प्रहार गरि आफ्नै श्रीमानको हत्या गरेको प्रहरीले जनाएको छ । छत्रदेब गाउँपालिका- ३ सिख्रेपाटा निवासी २७ बर्षिया श्रीमती खेममाया कुमालले ३८ बर्षिय श्रीमान रामु कुमाललाई गएराति साढे १२ बजेको आसपासको समयमा धारिलो हतियार प्रहार गरि हत्या गरेको जिल्ला प्रहरी कार्यालय अर्घाखाँचीका प्रमुख डिएसपी चक्रबहादुर मल्लले जानकारी दिए । अहिले घटना स्थलमा प्रहरी पुगेर अनुसन्धान गरिरहेकोले थप विवरण पछि आउने डिएसपी मल्लको भनाई छ ।
