भारतीय प्रधानमन्त्री नरेन्द्र मोदीले नेपालमा सफलतापूर्वक निर्वाचन सम्पन्न भएकोमा बधाई दिनुभएको छ। नेपाली दिदीबहिनी तथा दाजुभाइहरूले अत्यन्तै उत्साहका साथ आफ्नो लोकतान्त्रिक अधिकारको प्रयोग गरेको देख्दा आफूलाई निकै खुसी लागेको बताउँदै उहाँले यस निर्वाचनलाई नेपालको लोकतान्त्रिक यात्राको एक ऐतिहासिक कोशेढुङ्गा र गौरवपूर्ण क्षणको रूपमा चित्रण गर्नुभएको छ।
एक नजिकको मित्र र असल छिमेकीका नाताले भारत सधैं नेपालको साथमा रहने प्रतिबद्धता प्रधानमन्त्री मोदीले दोहोर्याउनुभएको छ। साथै, उहाँले दुई देशको साझा शान्ति, प्रगति र समृद्धिका लागि नेपालको नयाँ सरकार र नेपाली जनतासँग मिलेर काम गर्न भारत दृढ रहेको समेत स्पष्ट पार्नुभएको छ।
