भैरहवा । भारतको कलिंगा इन्स्टिच्यूट अफ् इन्डस्ट्रियल टेक्नोलोजी (केआईआईटी) मा मृत्यु भएको नेपाली विद्यार्थी प्रकृति लम्सालको शव भैरहवा आएको छ ।
सिद्धार्थनगर नगर पालिका वडा नम्बर ८ निवासी लम्सालको आजै भैरहवा स्थित स्वर्गद्वारी घाटमा अन्त्येष्टि गरिने पारिवारिक श्रोतले जानकारी दिएको छ । पोष्टमार्टम पछि लम्सालको पार्थिव शरीर हवाइ मार्ग हुँदै भारतको गोरखपुर र त्यहाबाट सडकमार्गबाट बेलहिया नाका हुँदै करिब ९ बजे भैरहवा आइपुगेको हो ।
उनको अभिभावकको उडान केही ढिलो भएको कारण शवलाइ भैरहवा स्थित युनिभर्सल कलेज अफ मेडिकल साइन्सेजमा राखिएको रुपन्देही प्रहरीले जनाएको छ । अभिभावक आए लगत्तै उनको अन्त्येष्टि गरिने छ ।
