भैरहवा । सहकारी ठगी आरोपमा पक्राउ परेका छविलाल जोशीलाइ बयानको लागि रूपन्देहीमा ल्याइएको छ । जोशीको सरकारी वकिल कार्यालय, रुपन्देहीमा बयान चलिरहेको छ ।
जोशीलाई रूपन्देही ल्याएको थाहा पाए पछि यहाका सहकारी ठगी पिडितहरुले शिघ्र कार्यवाहीको माग राख्दै रुपन्देही जिल्ला अदालत अगाडी प्रदर्शन गरेका छन । अनुसन्धान प्रकृया चलेको २ वर्ष बढी समय भए पनि अहिले सम्म आफुहरुले गुमाएको रकम पाउन नसकेको भन्दै पिडितहरु आक्रोशित भएका हुन । मुख्य अभियुक्त भनिएका जीबी राइ, सुप्रीम सहकारीका तत्कालिन ब्यवस्थापक लगायतलाइ पक्राउ गर्न नसेकोकोले उनिहरुलाइ पनि पक्राउ गरि कार्यवाहीको माग गरेका छन।
विभिन्न ब्यानर तथा प्लेकार्ड बोकेका प्रदर्शनकारीहरुलाइ प्रहरीले जिल्ला अदालत अगाडी रोकेको थियो । सरकारी वकिल कार्यालयमा बयान भै रहेको हुदा प्रदर्शनकारीहरु पनि त्यही जान खोजेका थिए । प्रहरीले अगाडि बढ्न नदिएपछि उनिहरु जिल्ला अदालत अगाडी रोकिएका हुन ।
सहकारी ठगी आरोपमा पक्राउ परेका पूर्व प्रहरी नायब महानिरीक्षक छविलाल जोशीलाइ सोमबार रूपन्देही ल्याएइको हो । सोमबार नै बयान नसकिएकोले उनलाइ जिल्ला प्रहरी कार्यालय रूपन्देहीमा राखिएको रूपन्देही प्रहरी प्रमुख रन्जित सिंह राठौरले बताए ।
समाचार तयार पार्दा सम्म भने जोशीको भने सरकारी वकिल कार्यालय,रूपन्देहीमा बयान चलिरहेको छ ।
