मर्चवार । रुपन्देहीको मर्चवार क्षेत्रमा एक युवकको शव फेला परेको छ । सम्मरीमाई ६ निबिहवा बस्ने २४ वर्षीय सम्राट चन्द बरुण मृत अवस्थामा गाउँ नजिक धान खेतमा फेला परेका इलाका प्रहरी कार्यालय मर्चवारले जनाएको छ ।
गाउँको दक्षिण क्षेत्रमा रहेको टर्सरी नहर नजिक रहेको धान खेतीमा नांगै अवस्थामा शुक्रबार बिहान मृत फेला परेको इप्रका मर्चवारका प्रहरी निरीक्षक घनदेव साउदले जानकारी दिएका छन् । प्रहरी निरीक्षक साउदले भने ‘मृतकको शरीरमा कुनै किसिमका घाउ चोट नदेखिएको र शरीरको विभिन्न अंगको अवस्था सामान्य रहेको छ । घटना स्थलबाट मुचुलका गरी शव पोष्टमार्टमको लागि भैरहवा पठाइएको छ ।’
उनको मृत्युको कारण पोस्टमार्टम पछि मात्र खुल्न आउने बताउदै घटनाबारे थप अनुसन्धान थालिएको प्रहरी निरीक्षक साउदले जानकारी दिएका छन् ।
