भैरहवा । रुपन्देहीको ओमसतिया गाँउपालिका–३ मा जेष्ठ नागरिक, एकल महिला तथा अपाङ्गता भएका व्यक्तिहरुलाई एक कार्यक्रमका बिच न्यानो कम्बल वितरण गरिएको छ । ३ नम्बर वडा कार्यालयको आयोजनामा कम्बल वितरण गरिएको हो ।
ओमसतिया –३ का वडाअध्यक्ष प्रकाश सिंह चौधरीकोे अध्यक्षता तथा लुम्बिनी प्रदेश सभा सदस्य अब्दुल रज्जाको प्रमुख आतिथ्यतामा जेष्ठ नागरिक, एकल महिला तथा अपाङ्गता भएकाहरुलाई न्यानो कम्बल वितरण गरिएको हो ।
कार्यक्रममा ३ सय ९९ थान कम्बल वितरण गरिएको थियो । कार्यक्रममा ओमसतिया गाउँपालिका उपाध्यक्ष सुनिता चौधरी,वडा सदस्य गुन्जा चौधरी ,बसन्ती छन्तेल पुन, वडासचिव सुधा पौडेल ,कल्पना ओझा ,जेष्ठ नागरिक, एकल महिला तथा अपाङ्गता भएका व्यक्तिहरुको सहभागिता रहेको थियो ।
