हेटौँडा । बागमती प्रदेश युवा परिषद्को आयोजनामा सञ्चालन भएका विभिन्न प्रकारका तालिममा सहभागी युवाहरुलाई विहीबार हेटौंडामा एकै पटक प्रमाणपत्र वितरण गरिएको छ ।
बागमती प्रदेश युवा परिषद्को आयोजनामा सञ्चालन भएका विभिन्न तालिममा सहभागि दुई हजार जना युवाहरुलाई हेटौंडामा भेला पारेर प्रमाणपत्र वितरण गरिएको हो ।
मकवानपुर, चितवन र सिन्धुली जिल्लामा युवा परिषद् मार्फत सीप सिकेका युवाहरुलाई प्रमाणपत्र वितरण गरिएको हो । युवा सीप वर्ष २०८१ अन्तरगत सञ्चालित निःशुल्क सीप विकास तालिमहरुको दिक्षान्त समारोह कार्यक्रमको उदघाटन प्रतिनिधिसभाका सभामुख देवराज घिमिरेले गरे ।
कार्यक्रमका अवसरमा बोल्दै उनले मुलुकमा युवा नीति आवश्यक रहेको बताए । अहिलेको अवस्थामा युवामैत्री सरकार चाहिएको सभामुख घिमिरेले बताए । सीप र क्षमता युक्त युवा उत्पादन गरेको देश समृद्ध बन्ने उनले बताए । अब विकास निर्माणका काममा सरकारले युवालाई अगाडि बढाउनुपर्ने बताए । अहिले पनि युवालाई आकर्षित गराउने काममा कमी रहेको सभामुख घिमिरेले बताए ।
कार्यक्रममा संघीय संसदका मुख्य सचेतक तथा मकवानपुर क्षेत्र नम्बर–२ का प्रतिनिधिसभाका सदस्य महेश कुमार बर्तौलाले स्वरोजगार बन्नका लागि सीपले काम गर्ने बताए । युवाहरुलाई उत्पादनसंग जोड्नुपर्ने उनले बताए । युवाहरुको आसाको रुपमा अहिलेको सरकार रहेको बर्तौलाले बताए ।
कार्यक्रममा बागमती प्रदेशका पूर्वमुख्यमन्त्री डोरमणि पौडेल,बागमती प्रदेश सभा सदस्यद्धय जगन्नाथ थपलिया, इन्द्रबहादुर बानियाँ लगायतकाले मन्तव्य व्यक्त गरेका थिए । कार्यक्रम प्रदेश युवा परिषद्का कार्यकारी अध्यक्ष सन्तोष चौलागाईंको अध्यक्षतामा भएको हो ।
