भैरहवा । “उत्कृष्टतालाई अंगाली महानतालाई मूर्त रुप दिनका लागि खेलकुद” भन्ने मूल नारा सहित भैरहवामा २० औं सामुहिक खेलकुद महोत्सव बिहिबार देखी सुरु हुदै छ । भैरहवा र यस आसपास रहेका १९ वटा बिद्यालयहरु सदस्य रहेको यस प्रतियोगितामा १ हजार २ सय बढी बिद्यार्थीहरुले भाग लिदै छन् ।
विद्यार्थीहरुको बौद्धिक, शैक्षिक, सांस्कृतिक, खेलकुद लगायतका प्रतिष्पर्धात्मक क्रियाकलाप गराउनु महोत्सवको लक्ष्य रहेको सामुहिक बिद्यालय परिवारका युवराज पोखरेलले बताए । “पढाई बाहेक बिद्यार्थीहरुमा रहेको अन्य अन्र्तनिहित प्रतिभा प्रस्फुटन गराउन हामी प्रयासरत् रहन्छौं ।” पोखरेलले भने “यसको लागि संस्थाले स्थापना देखि विद्यार्थीहरु बीच हाजिरीजवाफ, वक्तृत्वकला, वादविवाद, निबन्धलेखन तथा वाचन, कविता लेखन तथा वाचन, स्मरण खेल, चित्रकला, क्रिकेट, भलिबलहरु जस्ता प्रतियोगिताहरु समेत सञ्चालन गर्दै आएको छ ।”
माघ २५ देखि २७ गते सम्म भैरहवामा ३ दिन सञ्चालन हुने प्रतियोगितामा सव जुनियर, जुनियर तहमा छात्र÷छात्रालाई दौड, रिले दौड, बोरा दौड, स्किपिङ दौड, शट–पुट, भलिबल लगायत फरक फरक खेलहरु खेलाइने कार्यक्रम संयोजक बसन्त पाण्डेले जानकारी दिए ।
भैरहवा क्षेत्रमा रहेका नीजि विद्यालयहरुको यस संस्थाले स्थापना देखि वार्षिक रुपमा खेलकुद महोत्सव गर्दै आएको र यस पटक संस्थाले २० आंै संस्करणको आयोजना गरेको उनले बताए । बिद्यार्थीहरुको प्रतिभा प्रस्फुटनको साथै नीजि विद्यालयहरु बीच आपसी सम्बन्ध कायम गर्न पनि प्रतियोगिता सहयोग गर्ने उनको भनाई थियो ।
