भैरहवा । रुपन्देहीको ओमसतिया गाउँपालिका कार्यालयले नव वर्ष २०८१ सालको अवसरमा शुभकामना आदानप्रदान तथा भित्तेपात्रो (क्यालेण्डर) विमोचन कार्यक्रम सम्पन्न गरेको छ ।
कार्यक्रममा गाउँपालिका अध्यक्ष मन्जित कुमार यादवले नयाँ वर्षको अवसरमा शुभकामना व्यक्त गर्दै कमीकमजोरी सुधार गर्दै सकारात्मक सोचका साथ अघि बढ्न आग्रह गरे । मानवताको भावनाका साथ अघि बढ्नुपर्ने भन्दै उनले यस वर्षमा गाउँपालिकाले विकासमा फड्को मार्नेमा विश्वास व्यक्त गरे ।
त्यस्तै गाउँपालिका उपाध्यक्ष सुनिता चौधरी ,गाउँपालिका प्रवक्ता मदन प्रसाद पोखरेल , प्रमुख प्रशासकीय अधिकृत विपिन क्षेत्री ,लेखा शाखा प्रमुख कमल प्रसाद शर्मा , शिक्षा शाखा हरि प्रसाद पोखरेल , प्रशासन शाखा रुपा थापा राउत , राजस्व शाखा अमृता पाण्डे ,पशु शाखा चक्रपाणी गैह्रे ,वडासदस्य गंगा थापा ,बसन्ती छंत्याल पुन, कलाधर लम्साल लगायतले बोलेका थिए ।
