मर्चवार । सम्मरीमाई गाउँपालिका वडा नम्बर ६ वडा कार्यालयको आयोजनामा आधारभूत कम्युटर तालीम सुरु भएको छ । साक्षी कम्युटर इन्स्टीच्युटको सहजीकरणमा वडामा अध्ययनरत् कक्षा ११ र १२ का बिद्यार्थीहरुलाई ३ महिने कम्प्युटर तालीम प्रदान गरिनेछ ।
अहिलेको समयमा कम्युटर शिक्षा अनिवार्य रहेको हुदा बिद्यार्थीहरुलाई कम्युटरबारे आधारभूत जानकारी दिन तालीमको आयोजना गरिएको वडा अध्यक्ष तौलन केवटले जानकारी दिए । उनले बिद्यालय स्तरमै कम्प्युटरको शिक्षा दिनु पर्ने आवश्यकता रहेको बताउदै भविष्मा पालिकाको सहयोगमा त्यस तर्फ पनि ध्यान दिने बताए । वडा कार्यालयले तालीमको लागि ३ लाखको बजेट छुट्टयाएको हुदा यसको सदुपयोग हुने गरि तालीम लिन केवटले आग्रह गरे ।
साक्षी कम्युटर इन्स्टीच्युटका सुजित त्रिपाठीको अध्यक्षता, वडा अध्यक्ष तौलन केवटको प्रमुख आतिथ्यतामा सम्पन्न तालीम उद्घाटन कार्यक्रममा वडा सचिव मेघु प्रसाद धवल, राम बहादुर चाइ , प्रमोद मिश्रा, सुभावती यादव, सावित्री हरिजन, राजकुमार गुप्ता लगायतले बोलेका थिए । जैस मोहम्मद खाँनको सञ्चालन एवम राकेश मौर्याको स्वागतमा कार्यक्रम सम्पन्न भएको थियो ।
