बेसीसहर ।लमजुङको क्ब्हाेंलासाेथर गाउँपालिकाकाे वडा नं. ३ उत्तरकन्याकाे बगुमस्थित पच्यु टाेलमा गएराति पहिराे जाँदा तीन घर बगाएकाे छ । पहिराेमा परि ४ जनाकाे मृत्यु भएकाे छ ।
वडा सदस्य विन प्रसाद घलेका अनुसार स्थानीय रूद्रमान गुरूङ, पञ्चकुमारी गुरूङ र गाउँपालिकाका याेजना शाखा प्रमुख चित्र घलेकाे घर पहिराेले बगाएकाे छ ।
पहिराेमा परि ६९ वर्षिय रूद्रमान गुरूङ, ३६ वर्षिय पञ्चकुमारी गुरूङ, उनका दुई छाेरीहरू ७ वर्षिया ईच्छा गुरूङ र ५ नम्रता गुरूङकाे मृत्यु भएकाे छ ।
रूद्रमानकाे श्रीमती छिमेकी घरमा सुतेकाे र चित्र घले गाउँपालिकाकाे केन्द्र मालिङमा रहेकाले पहिराेबाट बचेकाे वडासदस्य घलेले जनकारी दिए । पहिराेमा परि चित्रका भाइ भिमबहादुर घले भने घाईते भएका छन् ।
घटनास्थलमा सदरमुकाम बेसीसहर र मालिङबाट प्रहरी टाेली जाँदै गरेकाे प्रहरी निरक्षक थानेश्वर चपाईले जानकारी दिए । उत्तरकन्याका वडाअध्यक्ष आसविर गुरूङका जनप्रतिनिधिको टाेलीपनि घटनास्थल पुग्दैछ । घटनाकाे विस्तृत विवरण आउन बाँकि छ ।
ओखलढुंगामा पनि एकको मृत्यु दुई जना गम्भीर घाइते
अविरल बर्षाको कारण घर र गोठ माथि पहिरो खस्दा ओखलढुंगामा एक जनाको मृत्यु भएको छ भने दुई जना घाइते भएका छन् ।
आज बिहान ४ः ४० बजेको समयमा जिल्लाको चिशंखुगढी गाउँपालिका–५ थुम्कीका ३९ बर्षीय बाबुराम खत्रीको घर र गोठ पहिरोले पुर्दा उनको श्रीमती ३५ बर्षीय देव कुमारी खत्रीको घटननास्थलमै ज्यान गएको हो ।
पहिरोमा परि गम्भीर घाइते भएका बाबुराम खत्री र उनको छोरी १८ बर्षीय मेनुका खत्रीको प्रहरी चौकी शेर्नाबाट खटिएको प्रहरी टोली र स्थानीयले सकुशल उद्धार गरि उपचारको लागि स्थानीय मेडिकलमा पठाइएको जिल्ला प्रहरी कार्यालय ओखलढुंगाका सूचना अधिकारी एवम् प्रहरी निरीक्षक विजय कार्कीले जानकारी दिए ।
पहिरोले खत्रीको ढुङ्गा माटोले बनेको, फूसको छाना भएको एक तले घर र गोठ समेत पूर्ण रुपमा परिएको छ । क्षतिको अन्य विवरण भने संकलनको काम भइरहेको जिल्ला प्रहरी कार्यालय ओखलढुंगाले जनाएको छ ।
