भैरहवा । पत्रकार रबिन्द्र प्रताप गुप्ता सम्मानित भएका छन् । मदिरा व्यवसायी संघ भैरहवा, रुपन्देहीले भैरहवामा आयोजित संघको पाँचौं साधारण सभा तथा तेस्रो अधिवेशनमा गुप्तालाई सम्मान गरेको छ ।संघका गतिविधि तथा व्यवसायीका समस्याबारे सञ्चार माध्यमबाट समाचार सम्प्रेषण गरी संस्थालाई अगाडि बढाउन योगदान पुर्याएको भन्दै उनलाई नगद ११ हजार रुपैयाँसहित दोसल्ला ओढाएर सम्मान गरिएको हो ।
गुप्तालाई आन्तरिक राजस्व कार्यालय रुपन्देहीका प्रमुख कर अधिकृत प्रेमराज पोख्रेल, मदिरा व्यवसायी संघ भैरहवाका अध्यक्ष बाबुराम पाण्डेले कार्यक्रममा सम्मान गरेका हुन् । विगत एक दशकदेखि पत्रकारिता क्षेत्रमा क्रियाशील गुप्ता खबरपात्रो डटकम, बुद्ध सामूदायिक टेलिभिजन, प्राइम टेलिभिजन र राष्ट्रिय समाचार समिति (रासस) मा आबद्ध छन् । उनी लुम्बिनी प्रेस क्लब रुपन्देहीको सह–कोषाध्यक्ष, नेपाल पत्रकार महासंघ रुपन्देहीको कार्यसमिति सदस्य, प्रेस चौतारी नेपाल लुम्बिनी प्रदेश सदस्य, मधेशी पत्रकार समाज रुपन्देहीको कोषाध्यक्ष लगायत संघ–संस्थामा पनि आबद्ध छन् ।
