परासी । स्वास्थ्य सूचकहरूका आधारमा गरिएको कार्यसम्पादन मूल्याङ्कनमा पश्चिम नवलपरासीको रामग्राम नगरपालिका जिल्लाकै उत्कृष्ट स्थानीय तह बन्न सफल भएको छ।स्वास्थ्य कार्यालय नवलपरासीका अनुसार जिल्लाका सातवटै स्थानीय तहका स्वास्थ्य शाखाको २९ वटा स्वास्थ्य सूचकका आधारमा मूल्याङ्कन गर्दा रामग्रामले ७८.५३ अङ्क प्राप्त गर्दै पहिलो स्थान हासिल गरेको हो।
त्यसै गरी ७७.८९ अङ्कसहित सरावल गाउँपालिका दोस्रो र ७६.९७ अङ्कसहित प्रतापपुर गाउँपालिका तेस्रो भएका छन्। मूल्याङ्कनमा बर्दघाट नगरपालिका चौथो, सुस्ता गाउँपालिका पाँचौँ, सुनवल नगरपालिका छैठौँ र पाल्हीनन्दन गाउँपालिका सातौँ स्थानमा रहेका छन्। यसैबिच, आर्थिक वर्ष २०८२/०८३ मा उत्कृष्ट कार्यसम्पादन गर्ने स्वास्थ्य संस्थातर्फ नगरपालिकाहरूबाट बर्दघाट नगरपालिका–९ स्थित पञ्चनगर स्वास्थ्य चौकी र गाउँपालिकाहरूबाट प्रतापपुर गाउँपालिका–७ स्थित गुठी सूर्यपुरा स्वास्थ्य चौकी छनोट भएका छन्।
