भैरहवा । अख्तियार दुरुपयोग अनुसन्धान आयोगले रुपन्देहीमा प्रहरी नायब निरीक्षक (सई) लाई नियन्त्रणमा लिएको छ । प्रहरी चौकी, हाटी बनगाई दुर्गौलियामा कार्यरत सई खिम बहादुर खड्कालाई अख्तियारले नियन्त्रणमा लिएको हो । बिहीबार मायादेवी गाउँपालिका–६ बाट खड्कालाई ३० हजार सेवाग्राहीबाट घुस लिइसकेको अवस्थामा उक्त रकमसहित नियन्त्रणमा लिइएको अख्तियारका प्रवक्ता राजेन्द्र कुमार पौडेलले जानकारी दिए ।
प्रवक्ता पौडेलका अनुसार भन्सार छली अवैध रुपमा घरायसी प्रयोजनका सामान ल्याउन सहजीकरण गरिदिने भनी सेवाग्राहीसँग घुस÷रिसवत माग गरिरहेको भन्ने सूचना एवं उजुरी निवेदनका आधारमा अख्तियार दुरुपयोग अनुसन्धान आयोगको कार्यालय, बुटवलबाट खटिएको टोलीले खड्कालाई नियन्त्रण मा लिएको हो । यसबारे थप अनुसन्धान भइरहेको अख्तियारले जनाएको छ ।
