अर्घाखाँची । अर्घाखाँचीको सन्धिखर्क नगरपालिका–९ टारी बजारमा टिपरको ठक्करबाट पैदलयात्रीको मृत्यु भएको छ । हंसपुरबाट टारीतर्फ आउँदै गरेको लु १ क ५१३३ नम्बरको टिपरले ठक्कर दिँदा जिल्लाको मालारानी गाउँपालिका–५ थाम्काका उमेश खत्रीको ज्यान गएको हो ।
जिल्ला प्रहरी कार्यालय अर्घाखाँचीका प्रहरी नायव उपरीक्षक दिवस बहादुर जिसीका अनुसार दुर्घटनापछि टिपर चालक फरार रहेकाले उनको खोजी कार्य भइरहेको छ । मृतकको शवलाई पोस्टमार्टमका लागि जिल्ला अस्पताल अर्घाखाँचीमा ल्याउने तयारी भइरहेको छ भने प्रहरी टोली घटनास्थलमा खटिएर थप अनुसन्धान गरिरहेको छ ।
