गुल्मी । गुल्मीको धुर्कोट गाउपालिकाले आफ्नो गाउँ सभा सदस्यको निधन भएपछि एक दिन शोक विदा दिएको छ । धुर्कोट गाउँपालिका वडा नम्बर ४ का गाउँ सभा सदस्य चुरा बहादुर थापाको निधन भएपछि गाउँपालिकाले पौष ११ गते शोक विदा दिएको छ ।
गाउँपालिकाका प्रमुख प्रशासकीय अधिकृत ज्ञानुराम पन्थीले एक सूचना जारी गर्दै थापाको निधनमा शोक विदा दिएको हो । थापाको पौष ९ गते ६१ वर्षको उमेरमा निधन भएको थियो ।
थापाको असामयिक निधनले गाउपालिका परिवार स्तब्ध भएको भन्दै दिवंगत थापाप्रति भावपूर्ण श्रद्धाञ्जली अर्पण गरेको छ ।
धुर्कोट गाउँपालिका अन्तरगत रहेका सरकारी कार्यालय, शैक्षिक संस्था, सार्वजनिक संघ संस्थाहरु एवं सम्पूर्ण सरकारी तथा सार्वजनिक निकायमा 'शोक बिदा गरिएको पन्थीले जानकारी दिनुभएको ।
