मर्चवार । रूपन्देहीको सम्मरीमाई गाउँपालिकाले आफ्ना कर्मचारीको निधनमा भोलि माघ २५ गते शोक बिदा दिने निर्णय गरेको छ। गाउँपालिकामा कार्यरत कर्मचारी सदानन्द कुर्मीको असामयिक निधन भएकोमा दुःख व्यक्त गर्दै गाउँपालिकाले एक दिन शोक बिदा दिने निर्णय गरेको हो। गाउँपालिका अध्यक्ष विनोद कुमार श्रीवास्तवद्वारा आज जारी सूचनामा दिवंगत आत्माप्रति श्रद्धाञ्जली अर्पण गर्दै शोकाकुल परिवारजनमा समवेदना प्रकट गरिएको छ।
शोक बिदाको दिन गाउँ कार्यपालिकाको कार्यालय, वडा कार्यालयहरू, स्वास्थ्य संस्था तथा गाउँपालिका मातहतका सम्पूर्ण कार्यालयहरू बन्द रहनेछन्। यद्यपि, अत्यावश्यक सेवाहरू भने नियमित रूपमा सञ्चालन हुने गाउँपालिकाले जनाएको छ।
