भैरहवा । रुपन्देहीको बुटवल उपमहानगरपालिका–१०, धागो कारखाना नजिकै पूर्व–पश्चिम राजमार्गमा ड्युटीमा खटिएका ट्राफिक प्रहरी हवल्दार नागेश्वर पालको आज साँझ कारको ठक्करबाट मृत्यु भएको छ । बाग्मती प्रदेश १–०३३–च ००७७ नम्बरको क्रेटा कारले ठक्कर दिँदा पालको ज्यान गएको राजमार्ग सुरक्षा तथा ट्राफिक व्यवस्थापन कार्यालय बुटवलले जनाएको छ। घटनामा संलग्न कार र त्यसका चालक गुल्मी रेसुङ्गा नगरपालिका–१ का ५६ वर्षीय दीपेन्द्रसिंह थापालाई प्रहरीले नियन्त्रणमा लिएको छ।
बुटवलमा कारको ठक्करबाट ड्युटीमा रहेका ट्राफिक हवल्दारको मृत्यु
२१ पौष २०८२, सोमबार
