काठमाडौं । उपसभामुख इन्दिरा राना मगरले, देशमा विद्यार्थीहरुलाई व्यवहारिक शिक्षा प्रदान गर्न आवश्यक रहेको बताएकी छन् । सोमबार काठमाडौंमा आयोजित पीआर इन्टरटेन्मेन्ट नेपाल प्रालिको चेलिबेटी बेचविखन सम्बन्धि चेतनामूलक म्युजिक भिडियो सार्वजनिक तथा सम्मान कार्यक्रममा उनले शिक्षा भनेको किताब पढ्नु मात्र नभई व्यवहारीक शिक्षा पनि भएकाले बच्चाहरुलाई ठूला ठूला विद्यालयमा पढाउने तर समाजको वास्तबिकताबाट टाढा राखिरहेको अवस्था रहेको बताइन् ।
उनले भनिन्,‘शिक्षा भनेको किताब पढ्नु मात्र होइन । व्यवहारिक शिक्षाहरु हरेका विद्यालयमा हुनुपर्छ । यस्तै भिडियोहरु बच्चाहरुलाई देखाइनुपर्छ । हामी बच्चाहरुलाई ठूला ठूला विद्यालयमा पढाउँछौं तर वास्तविकताबाट कति टाढा राखिरहेका हुन्छौं । आफ्नै देशमा बसेको हुन्छन् । यही पढेर डिग्री गरेका डाक्टरहरुलाई यी कुराहरु थाहा छैन् । नेतागिरी गरेका नेताहरुलाई थाहा छैन ।’उनले कलाकारहरुको लागि सम्मान ठूलो गोल्ड मेडल मात्र नभई हृदयबाट दिनुपर्ने उनको भनाई छ ।
