काठमाडौँ । सुनसरीको देवानगञ्ज गाउँपालिका–३ कमानागाछीमा साउन १० गते भएको घटनामा ज्यान गुमाएका ओमप्रकाश मेहता र जयप्रकाश मेहताका परिवार तथा गृह मन्त्रालयबिच ६ बुँदे सहमति भएको छ। गृहमन्त्री सुधन गुरुङ्ग र मृतकका परिवारका प्रतिनिधिसिच हस्ताक्षर भएको उक्त सहमतिमा दुवै मृतकलाई शहीद घोषणा गर्न प्रक्रिया तत्काल अघि बढाउने र मृतकका परिवारलाई जनही १० लाख रुपियाँ राहत उपलब्ध गराउने उल्लेख छ।
सहमति अनुसार घटनाको निष्पक्ष र प्रभावकारी छानबिन गरी दोषीमाथि प्रचलित कानुनबमोजिम कडा कारबाही गरिनुका साथै देवानगञ्ज–३ स्थित मदरसाको कानुनी हैसियत र सम्बन्धित विषयमा छानबिन सुरु गरिनेछ। यसका साथै दुवै मृतकका परिवारका एक–एक जना योग्य सदस्यलाई रोजगारीको अवसर दिने, छानबिन समितिको प्रतिवेदनका सिफारिस कार्यान्वयन गर्ने र स्थानीय सरकारसँगको समन्वयमा मृतकको सम्झनामा स्मृति पार्क निर्माण गर्ने निर्णय पनि भएको छ।
