भैरहवा । कर्णाली प्रदेशले कोशी प्रदेशलाई १२७ रनको अन्तरले पराजित गरेको छ । बिशाल लक्ष्य पछ्याएको कोशीका सुरुवाती ब्याट्सम्यानहरुले केही टिकेर खेल्न खोजे पनि उनिहरु पेभेलियन फर्के संगै कोशीको ब्याटिङ लाईनअप ध्वस्त हुन पुगेको छ ।
२१९ रनको लक्ष्य सहित मैदान पसेको कोशी ३५ ओभरमा आफ्नो सबै विकेट गुमाउदै ९१ रनमै अलआउट हुन पुग्यो । कोशीका लागि सबै भन्दा बढी २५ रन चिराग साहले बनाए । यस्तै साकिब हकले १३ रन र अंकित सुवेदीले १० रन बनाउदा अन्य कुनै पनि ब्याट्सम्यानहरुले दोहोरो अंक समेत जोड् सकेनन ।
कोशीलाई सस्तोमै समेट्न सुनिल धमला र दिपेन्द्र रावतले ३/३ विकेट बाडे । यस्तै दिवन पुन २ विकेट र अनुज चुनाराले १ विकेट लिए ।
यस अघि रूपन्देहीकै एक्स्ट्राटेक ओभल क्रिकेट रङ्गशालामा टस जितर ब्याटिङ रोजेको कर्णालीले ९ विकेट गुमाउदै २१८ रन बनाएको थियो ।
कर्णालीका लागि अर्जुन घर्तिले ९५ बलमा ११ चौका र २ छक्का प्रहार गर्दै अविजित ८८ रन बनाए । यस्तै हिमांशु शाहीले ४६ रन, निश्चल रावलले २०, प्रकाश जैसीले १८ रन बनाए ।
बलिङमा कोशी प्रदेशका विपिन महतोले ३ विकेट लिए भने दिपेश कंडेल र प्रकाश कार्कीले समान २/२ विकेट लिए । श्रवण किस्कु र सुजन थपलियाको नाममा १/१ विकेट रह्यो ।
यस संगै कर्णाली प्रदेशले अंकतालिकामा थप २ अंक जोडेको छ । ५ खेल खेलेको कर्णाली प्रदेश ३ मा हार र २ मा जित निकाल्दै ४ अंक ल्याएको छ भने ६ खेल खेलेको कोही ५ मा पराजित हुदै १ जितका साथ २ अंक ल्याएर प्रतियोगिताको अंकतालिकामा पुछारमा पुगेको छ । अंकतालिकामा शिर्ष २ स्थानमा रहने २ टोली बिच फाईनल खेल हुनेछ ।
