स्थायी लेखा नम्बर बन्द गराउन पनि घुस ! लेखा अधिकृत अख्तियारको फन्दामा

काठमाडौँ । अख्तियार दुरुपयोग अनुसन्धान आयोगले रु २१ हजार घुससहित काठमाडौँ महानगरपालिका वडा नं. ३० का लेखा अधिकृत (छैँठौ) उद्धव भट्टराईलाई नियन्त्रणमा लिएको छ । सेवाग्राहीको स्थायी लेखा नम्बर बन्द गर्नका लागि आवश्यक सिफारिस दिन दुःख हैरानी दिँदै घुस माग गरेको भन्ने सूचना र उजुरीका आधारमा अख्तियार दुरुपयोग अनुसन्धान आयोग, टङ्गालबाट खटिएको टोलीले उनलाई नियन्त्रणमा लिएको हो । 

भट्टराईलाई सेवाग्राहीबाट रु २१ हजार घुस लिइसकेको अवस्थामा वडा कार्यालयबाटै रकमसहित नियन्त्रणमा लिइएको आयोगका प्रवक्ता सुरेश न्यौपानेले जानकारी दिनुभयो । नियन्त्रणमा लिइएका भट्टराईमाथि थप अनुसन्धान भइरहेको आयोगले जनाएको छ ।