बर्दिया । बर्दियामा
घूस लिएको ३० हजार रुपैयाँसहित एक जना प्रहरी नायब निरीक्षक (सई) पक्राउ परेका छन्
। इलाका प्रहरी कार्यालय मैनापोखरमा कार्यरत सई पवन साउद पक्राउ परेका हुन् ।
लागूऔषध मुद्दा
मिलाइदिने गरिदिने भन्दै सेवाग्राहीसँग घूस मागिरहेको सूचनाको आधारमा अख्तियार
दुरुपयोग अनुसन्धान आयोगको सम्पर्क कार्यालय नेपालगञ्जको टोलीले मंगलबार पक्राउ
गरेको हो ।
आयोगको टोलीले उनलाई
३० हजार रकमसहित पक्राउ गरेको आयोगका प्रवक्ता भोला दाहालले बताएका छन् । सई
साउदलाई इलाका प्रहरी कार्यालय मैनापोखरको मुद्दा शाखाबाट नियन्त्रणमा लिई थप
अनुसन्धान भइरहेको आयोगले जनाएको छ ।
