सिरहा । सिरहाको कर्जन्हा नगरपालिका वडा नं. ३ स्थित चेक प्वाइन्टमा प्रहरीले लागुऔषधसहित एकजनालाई पक्राउ गरेको छ। पक्राउ पर्नेमा बर्दियाको बारबर्दिया नगरपालिका वडा नं. ५ निवासी ३४ वर्षीय राम कुमार चौधरी रहेका छन् ।
प्रहरीले विराटनगरबाट वीरगञ्ज जाँदै गरेको यात्रुवाहक बस चेकजाँच गर्ने क्रममा चौधरीको पाइन्टको खल्तीबाट ६.११० ग्राम खैरो हेरोइनजस्तो देखिने लागुऔषध फेला पारेको हो ।
ईलाका प्रहरी कार्यालय मिर्चैया र ईलाका प्रहरी कार्यालय बन्दिपुर सिरहाको संयुक्त टोलीले गोप्य सूचनाको आधारमा चौधरीलाई नियन्त्रणमा लिएको थियो। चौधरीमाथि ईलाका प्रहरी कार्यालय मिर्चैया सिरहाबाट थप अनुसन्धान भइरहेको प्रहरीले जनाएको छ।
