मकवानपुर । प्रहरीले मकवानपुरमा सञ्चालित जुवा खालमा छापा मारेर ५ जनालाई पक्राउ गरेको छ । हेटौंडा उपमहानगरपालिका-१६ गौरीटार रंगशाला स्थित दामोदार चौलागाईको गाईगोठबाट जुवा तास खेलिरहेको अवस्थामा ५ जनालाई पक्राउ गरिएको जिल्ला प्रहरी कार्यालय मकवानपुरका प्रहरी नायब उपरीक्षक एवम् प्रवक्ता श्यामु अर्यालले बताए ।
जुवा खालबाट प्रहरीले ८१ हजार ३ तीन सय नब्बे रुपैया नगद बरामद गरेको छ । पक्राउ पर्नेमा हेटौंडा उपमहानगरपालिका १६ का दामोदार चौलागाई, बिश्व स्याङ्तान, सुदिप पोख्रेल, प्रदिप ओझा र बहादुर थिङहरु छन् । आरोपीहरुले गौरीटार रंगशाला स्थित दामोदार चौलागाईको गाईगोठमा खेलेका हुन् । आरोपीहरु बिरुद्ध जुवा ऐन अन्तर्गतको कसुरमा अनुसन्धान भइरहेको प्रहरी नायब उपरीक्षक अर्यालले जानकारी दिए ।
