भैरहवा । नेपाल कम्युनिष्ट पार्टी (एमाले) परित्याग गरी लुम्बिनी प्रदेश कमिटी सल्लाहकार तथा राष्ट्रिय महिला आयोगकी पूर्व सदस्य धनेश्वरी चौधरी राष्ट्रिय स्वतन्त्र पार्टी (रास्वपा) मा प्रवेश गर्नुभएको छ । रुपन्देहीको भैरहवामा आयोजित एक कार्यक्रमका बीच रास्वपाका केन्द्रीय प्रवक्ता मनिष झाले चौधरीसहित करिब दुई दर्जन नवप्रवेशीलाई पार्र्टीमा स्वागत गर्नुभयो ।
सो अवसरमा नेत्री चौधरीले रास्वपाको नीति र विचार मन परेकाले आफू यस पार्टीमा आएको र दिइएको जिम्मेवारी पूरा गर्ने बताउनुभयो । कार्यक्रममा रास्वपा रुपन्देहीका सभापति डा.बुद्धि प्रसाद शर्मा, जिल्ला सचिव विष्णु पौडेल लगायतले बोल्दै मुलुकको सामाजिक तथा आर्थिक रूपान्तरणका लागि रास्वपाप्रति नागरिकको आशा र भरोसा बढेको धारणा राख्नुभयो ।
