अर्घाखाँची । आगामी फागुन २१ गते हुने प्रतिनिधि सभा सदस्य निर्वाचनका लागि अर्घाखाँचीबाट नारायण प्रसाद खनालले स्वतन्त्र उम्मेदवारी दिने घोषणा गर्नुभएको छ । सन्धिखर्कमा पत्रकार सम्मेलनको आयोजना गर्दै खनालले लामो समयदेखि धार्मिक तथा सामाजिक कार्यमा सक्रिय रहेको र जिल्लाको भूगोल, माटो, परिस्थिति तथा मुद्दासँग आफू पूर्ण रूपमा परिचित भएकाले आफू नै उपयुक्त पात्र भएको दाबी गर्नुभयो । उहाँले जिल्लाका मुख्य समस्याहरूलाई नै आफ्नो चुनावी एजेण्डा बनाउने बताउँदै आफ्ना एजेण्डासँग मिल्ने नयाँ वैकल्पिक शक्ति भएमा सहकार्यको बाटो खुला रहेको समेत स्पष्ट पार्नुभएको छ ।
अर्घाखाँचीबाट प्रतिनिधि सभामा नारायण प्रसाद खनालद्वारा स्वतन्त्र उम्मेदवारी घोषणा
९ पौष २०८२, बुधवार
