मर्चवार । रुपन्देहीको कोटहीमाई गाउँपालिकामा पालिका स्तरिय समुदाय–प्रहरी समिति गठन गरिएको छ । समुदाय र प्रहरी मिलेर शान्ती सुरक्षामा भूमिका खेली अपराध न्यूनिकरण गर्ने तथा जनचेतना फैलाउने उद्देश्य सहित समिति गठन गरिएको हो ।
समितिमा कोटहीमाई गाउँपालिकाका अध्यक्ष बालकृष्ण त्रिपाठी, उपाध्यक्ष शुसिला कुमारी यादव, वडा नम्बर ५ का वडा अध्यक्ष संजय कुमार सैनी, ईलाका प्रहरी कायाएलय मझगावाका प्रहरी निरिक्षक सन्तोष बस्याल, प्रहरी नायब निरिक्षक नारायण पछाई, शसस्त्र प्रहरी बलका शसस्त्र प्रहरी नायब निरिक्षक काशी प्रसाद चौधरी, सामुदायिक सेवा केन्द्रका अजय गुप्ता, सामुदायिक सेवा संस्थाकी विजया केसी, पूर्व प्रहरी परिवारबाट कुद्दुस खाँन, विद्यालय तर्फबाट धनन्जय कुमार त्रिपाठी, पत्रकार हृदयराम गुप्ता र जैस मोहम्मद खाँन रहेका छन ।
प्रहरी मूख्यालयको परिपत्र अनुसार गाउँपालिका अध्यक्षको संयोजकत्वमा प्रत्येक पालिकामा पालिका स्तरिय समुदाय–प्रहरी समिति गठन गर्ने निर्णय भएको छ । सोही अनुसार मंगलबार कोटहीमाईमा पनि समिति गठन गरिएको इलाका प्रहरी कार्यालय मझगावाका प्रमुख प्रहरी निरिक्षक सन्तोष बस्यालले जानकारी दिए । उनले समितिको अगुवाईमा प्रहरीले पालिकामा बिभिन्न कार्यक्रमहरु गर्ने जानकारी दिए ।
