तौलिहवा । तीन दिनदेखि बेपत्ता कपिलवस्तु नगरपालिकाका पूर्वमेयर एवं नेपाली कांग्रेसका नेता ६५ वर्षीय किरण सिंह मृत फेला पर्नुभएको छ । गत शुक्रबारदेखि सम्पर्कविहीन उहाँको शव आइतबार गोरुसिंगेस्थित जङ्गल क्षेत्रमा भेटिएको जिल्ला प्रहरी कार्यालय कपिलवस्तुका प्रहरी उपरीक्षक मनोहर भट्टले जानकारी दिनुभयो । पूर्वपश्चिम राजमार्गबाट भित्र जङ्गलमा उहाँको मोटरसाइकल भेटिएपछि तालिमप्राप्त कुकुरसमेत प्रयोग गरी खोजी गर्दा शव फेला परेको र घटनाको अनुसन्धान भइरहेको प्रहरीले जनाएको छ ।
गोरुसिंगेको जङ्गलमा मृत भेटिए कपिलवस्तुका पूर्वमेयर किरण सिंह
२४ श्रावण २०८३, आइतबार
