भैरहवा । लागुऔषध ब्राउन सुगरसहित रुपन्देही प्रहरीले तीन जनालाई पक्राउ गरेको छ । सिद्धार्थनगर नगरपालिका–८ बैंक कोलोनीबाट २०५ ग्राम ब्राउन सुगर, तीन थान मोबाइल र एकथान डिजिटल तराजु सहित तिनजना पक्राउ परेको प्रहरीले जानकारी दिएको छ ।
पक्राउ पर्नेमा कपिलवस्तुको मायादेवी गाउँपालिका–३ का २४ वर्षीय विवेक पाण्डे, २३ वर्षीय स्वतन्त्र उपाध्याय र १८ वर्षीय अमजद खान रहेको जिल्ला प्रहरी कार्यालय रुपन्देहीका डीएसपी एवं सूचना अधिकारी सुरज कार्कीले जानकारी दिनुभयो । उहाँका अनुसार तिनजनालाई लागुऔषध सम्बन्धी कसुरमा रुपन्देही जिल्ला अदालतबाट पाँच दिनको म्याद थप गरी थप अनुसन्धान भइरहेको छ ।
उम्र क़ैद दीनू पर्ने