चितवन । नारायणगढ-मुग्लिन सडकखण्डअन्तर्गत तुइनखोलामा आएको पहिरोले बाटो अवरुद्ध हुँदा राति सडकमा अलपत्र परेका यात्रुहरूलाई जिल्ला प्रहरी कार्यालय चितवनले उद्धार गरी गन्तव्यमा पुर्याएको छ। गएराति आएको पहिरोका कारण सडक अवरुद्ध भएपछि सयौं यात्रुहरू बाटोमै रोकिएका थिए।
यात्रुहरूको समस्यालाई मध्यनजर गर्दै जिल्ला प्रहरी कार्यालय चितवनले नेपाल प्रहरीका दुईवटा निःशुल्क बस सञ्चालन गरी उनीहरूलाई नारायणगढसम्म पुर्याउने व्यवस्था गरेको हो।रातिको समयमा सडक अवरुद्ध हुँदा यात्रुहरूले भोग्नुपरेको समस्यालाई समाधान गर्न प्रहरीले तत्काल कदम चालेको थियो। प्रहरीको यस कार्यले अलपत्र परेका यात्रुहरूलाई ठूलो राहत मिलेको छ।
