भैरहवा । पत्रकारको समाचारले निती निर्माताहरू र जिम्मेवार व्यक्तिलाई खबरदारी गरोस् भन्ने विश्वास सिद्धार्थनगरपालिका का उपमेयर उमा अधिकारीले गरेकि छन् । नकरात्मक र सकरात्मक दुबै खालका समाचार सम्प्रेषण गर्नु पर्ने विचार अधिकारीले व्यक्त गरीन् ।
संचारिका समूह रूपन्देहीको आयोजना तथा सिद्धार्थनगरपालिकाको समन्वयमा आयोजना भएको फिचर लेखन तालिममा बोल्दै, पछिल्लो समय नगरपालिकाले पूर्वाधार विकास सँगै सामाजिक विकासमा पहल गरेको बताउँदै, देशको चौथो अंगको रूपमा रहेको पत्रकारीता छेत्र देश तथा समाज विकासमा महत्वपूर्ण भूमिका रहने बताईन् ।
सिद्धार्थनगर पालिका लेखा शाखा अधिकृत ओमेश गैरेले तिन तहका सरकारको संरचना , नगरपालिकाको बजेटको श्रोत स्थिती लगायतका विषयमा प्रकाश पार्दैन नगरपालिकाले आर्थिक वर्ष २०८०-८१ मा नयाँ नयाँ विषय समेटर योजना बनाएको र कतिपय राम्रा योजनाहरू भएता पनि बजेटको कटौती हुनाले काम सम्पन्न हुन नसकेको बताए ।
कार्यक्रममा संचारिका समूहका अध्यक्ष निरू गौतमले फिचर लेखन सम्बन्धि तालिम दिएकी थिइन्। कार्यक्रमको उदेश्य संचार छेत्रमा कार्यरत महिलाहरूको लेखन कलाको अभिवृद्धि गर्नु हो ।
