धकधई । रुपन्देहीको धकधईमा ओल्म काउन्सिल नेपाल, जिल्ला कार्यसमितिको दोस्रो अधिवेशन तथा दाइजो प्रथा उन्मूलन सम्बन्धी कार्यक्रम सम्पन्न भएको छ । राष्ट्रिय प्रजातन्त्र पार्टीका सहमहामन्त्री ताहिर अलीको प्रमुख आतिथ्यतामा कार्यक्रम सम्पन्न भएको हो ।
कार्यक्रमको मुख्य उद्देश्य दाइजो प्रथाको अन्त्य गर्ने र समाजमा आपसी भाइचारा तथा मित्रतालाई प्रगाढ बनाउने रहेको थियो । कार्यक्रममा बोल्दै विभिन्न समुदायका सहभागीहरूले दाइजो प्रथा उन्मूलनको अभियानमा खुला समर्थन जनाएका थिए ।
मौलाना नबी साहबको अध्यक्षतामा सम्पन्न भएको उक्त कार्यक्रमको सञ्चालन ओल्म काउन्सिल नेपालका केन्द्रीय अध्यक्ष सैयद गुलाम हुसेनले गर्नुभएको थियो । अधिवेशनले मौलाना नबी साहबकै अध्यक्षतामा नयाँ जिल्ला कार्यसमिति समेत गठन गरेको छ ।
