सुर्खेत । अख्तियार दुरुपयोग अनुसन्धान आयोगले दैलेखको डुङ्गेश्वर गाउँपालिकाका लेखा अधिकृत (सातौँ तह) टंक बहादुर कार्कीलाई रु. १ लाख घुससहित नियन्त्रणमा लिएको छ ।
गाउँपालिकाको सडक स्तरोन्नति तथा निर्माण सम्पन्नपछिको अन्तिम बिल भुक्तानीका क्रममा सेवा ग्राहीसँग घुस मागेको सूचनाका आधारमा अख्तियार दुरुपयोग अनुसन्धान आयोग टंगाल र सुर्खेतबाट खटिएको संयुक्त टोलीले कार्कीलाई सुर्खेतको वीरेन्द्रनगर नगरपालिका वडा नं. ९, मंगलगढी चोकबाट रंगेहात पक्राउ गरेको हो। कार्कीलाई नियन्त्रणमा लिई थप अनुसन्धान भइरहेको अख्तियारले जनाएको छ ।
